Home Pregnancy Test

வீட்டில் செய்யக்கூடிய கர்ப்ப சோதனை (home pregnancy test):

ஹோம் பிரக்னன்சி டெஸ்ட் செய்வதற்கான கிட் எல்லா மருந்து கடைகளிலும் கிடைக்கும். அவற்றுள் சில மாதவிடாய் தவறிய முதல் நாள் அன்றே பரிட்சிட்டு பார்க்க ஏதுவானதாக இருக்கும். ஹோம் பிரக்னன்சி டெஸ்ட் சிறுநீரில் உள்ள HCG(human chorionic gonadotropin) என்னும் ஹோர்மோனில் அளவை கொண்டு நீங்கள் கர்ப்பம் தரித்து உள்ளிர்களா இல்லையா என்று கணக்கிடும். கரு உருவாகி 10-14 நாட்களில் HCG சிறுநீரில் வெளிப்பட துவங்கும்.

கீழ்க்கண்ட link-இல் பல்வேறு விதமான home pregnancy test kits-ஐ காணலாம்.
http://a1supplygroup.com/images/pregnancytest.jpg

சில வகை home pregnancy test நேரடியாக சிறுநீரில் பிடிக்குமாறு அறிவுதப்பட்டு இருக்கும். சில வகைகளுக்கு சிறுநீரை ஒரு சுத்தமான கோப்பையில் பிடித்து அந்த கிட் உடன் வந்த dropper-இன் உதவயுடன் சில சொட்டு சிறுநீரை கிட்டில் உள்ள குழியான பகுதியில் விட வேண்டும். அதன் பிறகு கிட்டில் குறிபிட்டுள்ள நேரம் வரை காத்திருக்கவும். பிறகு test strip-இல் எத்தனை கோடுகள் உள்ளன என பார்க்கவும். இரண்டு கோடுகள் இருந்தால் கர்ப்பம் தரிதிருப்பதாக கொள்ளுக. இரண்டாவது கோடு அழுத்தமாக இல்லாமல் இருந்தால் சிறுநீரில் HCG அளவு குறைவாக இருக்கலாம். எனவே 2 நாட்கள் கழித்து திரும்பவும் ஒரு முறை பரிட்சித்து பார்க்கவும். ஒரு கோடு மட்டும் இருந்தால் கர்ப்பம் இல்லை. சந்தேகம் இருந்தால் சில நாட்கள் கழித்து திரும்பவும் ஒரு முறை பரிட்சித்து பார்க்கவும்.

காலையில் எடுக்கும் முதல் சிறுநீரில் HCG அளவு அதிகமாக இருப்பது வழக்கம். இருப்பினும் நீங்கள் எந்த நேரத்தில் எடுக்கும் சிறுநீரிலும் home pregnancy test செய்து பார்க்கலாம். மாதவிடாய் தவறி 1 அல்லது 2 வாரங்கள் கழித்து எடுக்கும் test மிக விரும்பத்தக்கது.